கற்றல் பாங்குகள் - Learning Styles

 

  English | தமிழ்

கற்றல் பாங்கு (Learning Styles) என்பது கற்றல் சூழ்நிலைகளில் தகவல்களைப் பெறுவதற்கும் செயலாக்குவதற்கும் ஒரு தனிநபரின் இயல்பான அல்லது பழக்கமான வடிவமாகும். அதாவது ஒருவர் ஒரு விடயத்தைக் கற்றுக் கொள்ளும் விதம்/ முறை கற்றல் பாங்கு எனலாம்.

மாணவர்கள் கற்றுக் கொள்வதில் ஒருவருக்கொருவர் வேறுபடுகின்றனர். அவர்களது கற்றல் பாணிகளும் இயலுமைகளும் வேறுபடுகின்றன. அவ்வாறே  ஒரு மாணவன் ஒரு பாடத்தினை ஒரு விதத்திலும் இன்னொரு பாடத்தினை வேறொரு விதத்திலும் கற்கக் கூடியவனாக இருப்பான். 

எனவே மாணவர்களின் கற்றல் பாங்குகளுக்கேற்ப ஆசிரியர்கள் கற்பித்தலை  திட்டமிட வேண்டியுள்ளது.

ஆசிரியர்கள் மாணவர்களுக்கு பயனுள்ள கற்றல் உத்திகளை (Effective Learning Strategies) தெரிவு செய்வதற்கும் கற்பிப்பதற்கும் மாணவர்களின் கற்றல் பாணியை (Learning Styles) அறிந்திருத்தல் அவசியமாகும்.

பொதுவாக பின்வரும் முறைகளில்  மாணவர்கள் கற்கின்றனர்.

1. காட்சி/ பார்த்துக் கற்றல் - Visual Learning
2. செவிவழிக் கற்றல் - Auditory Learning
3. பிரயோகக்/ இயக்கவியல் கற்றல் - Kinesthetic Learning

1. காட்சி/ பார்த்துக் கற்றல் - Visual Learning

கற்பிக்கும் விடயங்கள், கருத்துக்கள், தகவல்கள் என்பன படங்கள் மற்றும் வீடியோக்கள் மூலம் காட்சிப்படுத்தப்பட்டு அதனூடாக மாணவர்கள் கற்றுக்கொள்ளும் முறையே இதுவாகும்.

வாசித்து விளங்க முடியாத பிள்ளைகளும் பார்த்து விளங்கிக் கொள்கின்றனர்.

கற்பிக்கும் முறை உதாரணம்.

• உலக வரைபடத்தை காட்டி கற்பித்தல்.
• ஞாயிற்றுத் தொகுதியன் இயக்கத்தை வீடியோவாகக் காட்டுதல்.

2. செவிவழிக் கற்றல் - Auditory Learning

பாட விடயங்களைக் கேட்பதன் மூலம் கற்றுக் கொள்ளும் முறையே செவிவழிக் கற்றலாகும். செவிவழிக் கற்றலின் முக்கிய அம்சங்களாக கேட்டல் மற்றும் பேசுதல் என்பன காணப்படுகின்றன. எழுத்தாற்றல் குறைந்த மாணவர்களும் கேட்பதன் மூலம் இலகுவாகக் கற்கின்றனர்.

இது பார்வையற்ற அல்லது பார்வைக் குறைபாடுள்ள பிள்கள் மற்றும் எழுத வாசிக்க சிரமப்படும் மாணவர்கள் இலகுவாகக் கற்றுக் கொள்ளும் ஒரு முறையாகும்.

கற்பிக்கும் முறை உதாரணம்.

• குழு விவாதங்களை நடாத்துதல்.
• மாணவர் முன்வைப்பக்களுக்கு இடமளித்தல்.
• கதை கூறல்

3. பிரயோக/ இயக்கவியல் கற்றல் - Kinesthetic Learning

பார்த்தல் மற்றும் கேட்டல் போன்றல்லாது மாணவர்கள் செயற்பாடுகளில் ஈடுபட்டு பிரயோக ரீதியாக கற்கும் மறையே இதுவாகும். 

இம்முறை மூலம் மாணவர்கள் தொட்டுணரக் கூடிய அல்லது அனுபவ ரீதியான கற்றலைப் பெறுவதோடு இலகுவாக நினைவில் வைத்திரக்கவும் பிரயோகிக்கவும் முடிகின்றது.

கற்பிக்கும் முறை உதாரணம்.

• பரிசோதனைகளில் மாணவர்களை ஈடுபடுத்தல்.
• மாணவர்களை விளையாட்டுக்களில் ஈடுபடுத்தி கற்பித்தல்.
• கணிதப் படிமுறை அறிவுறுத்தல்களை நிறைவேற்றுவதன் மூலம் விடையினைப் பெற வழிகாட்டல்.

பொருத்தமான நேரத்தில் இம்மூன்று முறைகளிலும் திறன்களை பெரும் வகையில் உயர்ந்தபட்ச  கற்றல் செயற்பாடுகளை மாணவர்களிடையே ஏற்படுத்த ஆசிரியர்கள் முயற்சி செய்தல் வேண்டும்.